Bide su retìculu (MGRS), e seletziona su formadu de visualizatzione de coordinadas

Definitzione

MGRS sígnificat Military Grid Reference System. MGRS est su istandard de geocoordinadas impreadu dae is militares de sa NATO pro allogare puntos in sa superfìtzie de sa Terra.

Disinna una lìnia

1. Seletziona s'Aina de lìnia in sa barra de ainas de subra.

   O pùngia su botone "Z" in sa tastera tua.

    
2. In sa Bista de sa mapa, clica e traga pro disinnare una lìnia.

Aberi e move sa ventana de Impostatziones

1. In s'ischina in bassu a manca de su piè de sa Bista de sa mapa, clica in s'Icona de s'ingranàgiu.
   At a pàrrere sa ventana "SETTINGS".
    
2. (Optzionale) Si sa ventana "SETTINGS" t'istorbat sa bista de sa lìnia chi as disinnadu, clica e traga in su sendale de sa ventana "SETTINGS".

Bide sa nuvoletta de informatziones cando "Automàticu" est seletzionadu pro su formadu de visualizatzione de coordinadas

1. Suta de is tìtulos, "MAP SETTINGS" > "Retìculu", clica in sa lista a tendina. Posca seletziona: "MGRS".
   In sa Bista de sa mapa, at a pàrrere su retìculu.
    
2. Suta de is tìtulos, "MAP SETTINGS" > "Visualizatzione de coordinadas", clica in sa lista a tendina. Posca seletziona: "Automàticu".

   Nota: Si seletzionas "Automàticu", su formadu de visualizatzione de coordinadas at a èssere determinadu dae su chi est seletzionadu suta de su tìtulu "Retìculu".

    
3. In s'ischina in artu a dereta de sa ventana "SETTINGS", clica su botone "X".
    
4. Seletziona s'Aina de modìfica/misura in sa barra de ainas de subra.

   O podes clicare in sa mapa, posca pùnghere su botone "Q" in sa tastera tua.

    
5. In sa Bista de sa mapa, pone su cursore subra de su puntu de incumintzu o de fine de sa lìnia.
    
6. Ses a bìdere ismanniare una nuvoletta de informatziones chi mustrat is coordinadas. Dado chi “MGRS” est seletzionadu pro su retìculu, sa visualizatzione pro “Automàticu” at a èssere:
   • Lat: Grados decimales (Grados Minutos Segundos)
   • Long: Grados decimales (Grados Minutos Segundos)
   • MGRS: coordinadas MGRS
   Pro esempru:
   • Lat: 40.689249400 (40°41′21″N)
   • Long: -74.044500400 (74°2′40″W)
   • MGRS: 18TWL8073604701

Àteras optziones pro su formadu de visualizatzione de coordinadas

• Automàticu.
• WGS84 - World Geodetic System, 1984.
• DMS (DD°MM’SS”) - Grados Minutos Segundos.
• USNG - United States National Grid.
• MGRS - Military Grid Reference System.
• BNG (UK) - British National Grid - (pro sa Gran Bretagna).

Nota: In su tzentru de su piè de sa Bista de sa mapa, as a bìdere finas is coordinadas visualizadas in su formadu chi as seletzionadu. Su retìculu de mira in su tzentru de sa Bista de sa mapa determinat custas coordinadas.

Bide finas

Bide sa mapa sena retìculu, e seletziona su formadu de visualizatzione de coordinadas

Bide su retìculu (USNG), e seletziona su formadu de visualizatzione de coordinadas

Bide su retìculu (BNG-UK), e seletziona su formadu de visualizatzione de coordinadas