Modìfica sa tipografia e su formatu de su testu in sa descritzione de unu marcadore

1. Seletziona s'Aina de modìfica/misura in sa barra de ainas de subra.

   Tecla lestra: O podes incarcare su butone "Q" de sa tastiera.

    
2. In sa Bista de sa mapa, incarca subra de su marcadore.
   Si aberint sa nuedda informativa e sa fenestra de modìfica de su marcadore.
    
3. In fundu de sa fenestra, incarca subra de su ligàmene "Modìfica avantzada".
    
4. In su campu Descritzione, incarca e traga pro evidentziare su testu chi boles modificare.
    

5. Subra de su campu de testu, podes impreare is butones pro agiunghere istile tipogràficu e formatu de su testu a sa descritzione. Custa lista ispiegat s'iscopu e is optziones de cada funtzionalidade:

   • Testu in crespu.
   • Testu in corsivu.
   • Testu sutaliniadu.
   • Testu barradu.
   • Mannària de su caràtere (Normale, 8pt, 10pt, 12pt, 14pt, 18pt, 24pt, 36pt).
   • Colore de su testu.
   • Colore de fundu de su testu.
   • Caràtere (Arial, Monospace, Serif, New Times Roman, Verdana, Roboto).
   • Allineamentu o giustificatzione - Allineadu a manca, Tzentru, Allineadu a dereta, Giustificadu (s'ùrtima lìnia est allineada a manca).
   • Lista numerada.
   • Lista cun puntos.
   • Iscantzella istile e formatu.
    
6. Cando as acabbadu is modìficas, incarca subra de su butone "Sarva".

Artìculu ligadu

Si boles chi sa mapa mustret semper informatzione subra de su marcadore, podes agiunghere un'eticheta acanta de su marcadore. Pro ischire comente fàghere·lu, visita custu ligàmene: Label Tool—Crea un'eticheta.

Bide fintzas

Càrriga un'immàgine in sa descritzione de unu marcadore

Incorpora una tràcia de SoundCloud in sa descritzione de unu marcadore

Incorpora unu vìdeu de YouTube in sa descritzione de unu marcadore

Agiunghe unu ligàmene de indicatziones a sa descritzione de unu marcadore

Agiunghe unu ligàmene a una pàgina web a sa descritzione de unu marcadore