Agiunghe unu ligàmine de indicatziones a sa descritzione de unu marcadore

Cando s’utente blicat subra su ligàmine in sa bolla de informatziones de su marcadore, Google Maps at a aparèssere in una pàgina noa de su navigadore. Google Maps at a ammustrare sas indicatziones pro comente s’utente podet biàgiare dae sa positzione sua de como a sa positzione de su marcadore.

Agiunghe su ligàmine de indicatziones

1. Seletziona s’Aina de modìfica/misura in sa barra de ainas de supra.

   Tecla lestra: O podes incarcare su butone "Q" de sa tastiera tua.

    
2. In sa Bista de sa mapa, blica subra su marcadore.
   Ant a aparèssere sa bolla de informatziones e sa finestra de modìfica de su marcadore.
3. In sa finestra de modìfica de su marcadore, blica subra s’Icona de sa màchina chi tenet su suggerimentu: "Agiunghe ligàmine de indicatziones".
   Como su campu de sa descritzione de su marcadore incluit unu ligàmine chi ammustrat su testu: "Otenhe indicatziones inoghe".
    
4. Blica subra su butone "Sarva".
    

Proba su ligàmine

1. Pro bìdere su ligàmine, seletziona s’Aina Manu in sa barra de ainas de supra.
    
2. Blica subra su marcadore.
   Sa descritzione de sa bolla de informatziones at a includere su ligàmine.
    

Artìculu relatzionadu

Si cheres chi sa mapa ammustret cuntinuamente informatziones subra de su marcadore, podes agiùnghere un’eticheta in cussa de su marcadore. Pro ischire comente, visita custu ligàmine: Label Tool—Crea un’eticheta.

Bide fintzas

Modìfica sa tipografia e su formatu de su testu in sa descritzione de unu marcadore

Agiunghe unu ligàmine a una pàgina web in sa descritzione de unu marcadore

Càrriga una immàgine in sa descritzione de unu marcadore

Incorpora unu vìdeu de YouTube in sa descritzione de unu marcadore

Incorpora una pista de SoundCloud in sa descritzione de unu marcadore