Trassa una lìnia de indicatziones chi connetit duos marcadores

Descritzione de una lìnia de indicatziones

• Sa positzione de un'àteru marcadore - (ispiegadu in custu artìculu).
• Una positzione ispetzificada - (Vide: Trassa una lìnia de indicatziones chi connetit unu marcadore e una positzione ispetzificada)

Sa funtzione de sa lìnia de indicatziones ti permitit de disinnare lìnias chi incumintzant in unu marcadore e acabant in prus positziones. Creare lìnias chi acabant in prus positziones tenet medas impreos útiles, comente: si cheres agatare sas distàntzias de vàrios percursos.

Crea sos marcadores

Crea duos marcadores. Unu in sa positzione de partèntzia, e su segundu in sa positzione de destinatzione.

Nota: Pro imparare comente creare unu marcadore, visita custu ligòngiu: Aina de marcadore—Crea unu marcadore

Agiunghe tìtulos a sos duos marcadores

1. Seletziona s'Aina de modìfica/misura in sa barra de sos istrumentos in subra.

   Tecla lestra: O podes incarcare su butone "Q" in sa tastiera tua.

    
2. In sa Bista de sa mapa, blica subra su marcadore de partèntzia.
   Sa nuedda de informatziones at a aparèssere.
    
3. Blica subra s'Icona de sa matita.
   Sa fìnestra de s'editore de su marcadore at a aparèssere.
    
4. Pro custu esempru, as a definire su "Tìtulu" de su marcadore: "START".
    
5. Blica subra su butone "Sarva".
    
6. Crea su marcadore in sa positzione de destinatzione. Pro custu esempru, as a definire su tìtulu de su marcadore: "DESTINATION".
    
7. Blica subra su butone "Sarva".

Seletziona su marcadore de destinatzione

1. Seletziona s'Aina de modìfica/misura in sa barra de sos istrumentos in subra.

   Tecla lestra: O podes incarcare su butone "Q" in sa tastiera tua.

    
2. Blica subra su marcadore START.
   Sa nuedda de informatziones at a aparèssere.
    
3. Blica subra s'Icona de sa màchina.
   Sa fìnestra Disinna indicatziones at a aparèssere.
    
4. In su campu "Chirca…", iscrie su nùmene de su marcadore a su chi ses biaggende. Duncas pro custu esempru, iscrie: "DESTINATION". Mentras iscries, ant a aparèssere sos suggerimentos. Blica subra su marcadore giustu.

Seletziona su livellu de detàlliu

Sèbera si cheres modificare su "Livellu de detàlliu" predefinidu (15) de sa lìnia de indicatziones. Su livellu prus bassu possìbile est 5, su livellu prus artu est 22.

Unu livellu de detàlliu artu megliorat sa calidade de visualizatzione de sa mapa. Ma in sas màchinas prus lentas, sa calidade aumentada diat pòdere reduire sa velotzidade de s'aplicatzione.

Si sa mapa tua est ingrandida a pagu o tenet medas lìnias/formas disinnadas, sa mapa diat pòdere no si bìdere in manera curreta. Duncas reduire su livellu de detàlliu diat pòdere megliorare sa velotzidade de s'aplicatzione.

Agiunghe su Tempus de biàgiu

Pro ammustrare su Tempus de biàgiu in sa mapa, blica subra sa casella de controllu de Oràrios in sa mapa.

Trassa e bide sa lìnia de indicatziones

1. Blica "Disinna indicatziones".
   Cando s'elaboratzione est cumpleta, at a aparèssere su messàgiu "Indicatziones trassadas".
    
2. Blica "Ok".
   In sa Bista de sa mapa, as a bìdere como sa lìnia de indicatziones chi connetit sos duos marcadores.
    

Possibilidades de modìfica

Sos metodos pro modificare sa lìnia de indicatziones sunt sos matessi de sa modìfica de una lìnia a manu lìbera. Pro imparare sas possibilidades de modìfica visita s'elencu de artìculos in custu ligòngiu: Aina de disinnu—Disinna una lìnia a manu lìbera.

Vide fintzas

Disinna una lìnia de indicatziones chi s'ataca a sas biàs

Càmbia su colore de una lìnia de indicatziones

Modìfica su tìtulu e sa descritzione de una lìnia de indicatziones

Crea e move unu vèrtice in una lìnia de indicatziones disinnada - (Modìfica Percursu Ataca)